Chal Diye Tum Aankh Mein Ashkon Ka Dariya Chhor Kar
Ranje Furqat Ka Har Ik Seene Mai Sholah Chhor Kar
Lazzate Mey Le Gaya Woh Jamo Meena Chhor Kar
Mera Saqi Chal Diya Khud Mey Ko Tishna Chhor Kar
Har Jigar Mai Dard Apna Meetha Mitha Chhor Kar
Chal Diye Woh Dil Mai Apna Naqshe Wala Chhor Kar
Alame Bala Mai Har Soo Marhaba Ki Gunj Thi
Chaldiye Jab Tum Zamane Bhar Ko Suna Chhor Kar
Maut Alim Se Bandhi Hai Maute Alam Be Guma
Roohe Alam Chaldiya Alam Ko Murdah Chhor Kar
Muttaqee Ban Kar Dikha`E Is Zamane Mai Koi
Ek Mere Mufti-E-Azam Ka Taqwa Chhor Kar
Khwab Mai Akar Dikhao Hum Ko Bhi Ai Jan Kabhi
Kaun Si Dunya Basa`Ee Tum Ne Dunya Chhor Kar
Ek Tum Dunya Me Reh Kar Tarike Dunya Rahe
Reh Ke Dunya Mai Dikha`E Koi Dunya Chhor Kar
Us Ka Ai Shahe Zaman Sara Zamanah Ho Gaya
Jo Tumhara Ho Gaya Sara Zamanah Chhor Kar
Rahnuma`E Rahe Jannat Hai Tera Naqshe Qadam
Rahe Jannat Teh Na Hogee Tera Rastah Chhor Kar
Ho Sake To Dekh Akhtar Baghe Jannat Me Usse
Woh Gaya Taron Se Age Ashiyanah Chhor Kar
