Dil Mera Gudgudati Rahi Aarzoo,
Aankh Phir Phir Ke Karti Rahi Justujoo,
Arsh Ta Farsh Dhoond Aaya Main Tujh Ko, Tu,
Nikla Aqrab Az Habl E Wareed E Gulu,
ALLAHU ALLAHU ALLAHU ALLAHU.
Ta’iraan E Chaman Ki Chahak Wah’duhu,
Naghma Bulbul Ka Hai La Shareeka Lahu,
Qumriyon Ka Taraana Hai La Ghairahu,
Zamzama T’oot’i Ka Huwa Hu Huwa Hu,
ALLAHU ALLAHU ALLAHU ALLAHU.
Bulbul Ko Chaman Mein Rahi Justujoo,
Papiya Kehta Phira “Pi Kahan” Soo Ba Soo,
Par Na Chatka Kahin Ghuncha E Aarzoo,
Haan Mila Tu Mila Mere Dil Mein Hi Tu,
ALLAHU ALLAHU ALLAHU ALLAHU.
Shahidaan E Chaman Ne Lab E Aab Jo,
Aab E Gul Se Naha Kar Ke Taaza Wuzu,
Halqa E Zikr, Gul Ke Kiya Roo Ba Roo,
Aur Lagaane Lage Dam Ba Dam Zarb E Hu,
ALLAHU ALLAHU ALLAHU ALLAHU.
Reh Ke Pardon Mein Tu Jalwa Aara Hua,
Bas Ke Aankhon Mein Aankhon Se Parda Kiya,
Aankh Ka Parda – Parda Hua Aankh Ka,
Band Aankhein Huyi(n) To Nazar Aaya Tu,
ALLAHU ALLAHU ALLAHU ALLAHU.
Kaa’ba E Kaa’ba Hai Kaa’ba E Dil Mera,
Kaa’ba Pat’thar Ka, Dil Jalwagaah E KHUDA,
Ek Dil Par Hi Hazaron Kaa’be Fida,
Kaa’ba E Jaan O Dil Kaa’be Ki Aabroo,
ALLAHU ALLAHU ALLAHU ALLAHU.
T’oor E Seena Pe Tu Jalwa Aara Hua,
Saaf Moosa Se Farma Diya Lan Tara,
Aur INNI ANA_L ALLAHU Shajar Bol Utha,
Tere Jalwon Ki Neerangiyan Soo Ba Soo,
ALLAHU ALLAHU ALLAHU ALLAHU.
Mujh Ko Dar Dar Phiraati Rahi Justujoo,
Toote Paay E Talab, Thak Rahi Aarzoo,
Dhoondta Main Phira Koo Ba Koo Chaar Soo,
Tha Rag E Jaa(n) Se Nazdeek Tar Dil Mein Tu,
ALLAHU ALLAHU ALLAHU ALLAHU.
Kaun Tha Jis Ne SUBHANI Farma Diya?
Aur MA AAZAMO SHAANI Kis Ne Kaha?
Ba Yazeed Aur Bastaam Mein Kaun Tha?
Kab ANA_L HAQ Thi Mansoor Ki Guftugu?
ALLAHU ALLAHU ALLAHU ALLAHU.
Ya ILAAHI Dikha Hum Ko Woh Din Bhi Tu,
Aab E Zamzam Se Kar Ke Haram Mein Wuzu,
Ba Adab Shauq Se Baith Kar Qibla Roo,
Mil Ke Hum Sab Kahein Yak Zabaa(n) Hoo Ba Hoo,
ALLAHU ALLAHU ALLAHU ALLAHU.
Maine Maana K ‘Hamid’ Gunahgaar Hai,
Ma’siyat Kesh Hai Aur Khata Kaar Hai,
Mere Maula Magar Tu To Ghaffar Hai,
Kehti Rehmat Hai Mujrim Se LA TAQNATU.
ALLAHU ALLAHU ALLAHU ALLAHU.
Submit By Sakir Kadivar
