ilhaam ki rim jhim, kaheen bakshish ki ghata He
Yeh dil ka nagar he, ke Madine ki faza he
Sansoon main mehakti hain, Munajaat ki kaliyan
Kaliyon ke katorom pe, Tera naam likha he
Ayaat ki jhurmat main, tere naam ki masnad
Lafzoon ki angoothi main, nageena sa saja he
Ab kaun hade husn e talab soch sake ga
Kaunaein ki wus-at to tahe dast e dua he
He teri kasak main bhi dhamak hashr ke din ki
Wo yoon ke mera qariya e jaan goonj utha he
Khursheed teri raah main bhatakta hua jugnoo
Mahtaab tera reza e naqsh e kaf e pa he
Wal Lail tere saya e gaisoo ka tarasha
Wal Asr teri neem nigaahi ki ada he
Lamhoon main simat kar bhi tera dard he tazaa
Sadiyon main bikhar kar bhi tera ishq naya he
Ya tere khad o khaal se kheera mah o anjum
Ya dhoop ne saya tera khud orh liya he
Yar raat ne pehni he malahat teri tan par
Ya din tere andaaz e sabahat pe gaya he
Rag rag ne samaiti he tere naam ki fariyaad
Jab jab bhi pareshaan mujhe duniya ne kiya he
Suraj Ko Ubharnay Nhi Deta Tera Habshi
Be Zar Ko Abu-Zar Teri Bakhshish Ne Kia Hai
Saqlain Ki Qismat Teri Dehleez Ka Sadqa
Aalam ka Muqaddar Tere Hathon Me Likha Hai
A Gumbad-e-Khizra K Makeen Meri Madad Kr
Ya Phir Ye Bata Kon Mera Tere Siwa Hai
Bakhshish Teri Ankhon Ki Taraf Dekh Rahi Hai Sabir
Mohsin Tere Darbar Me Chup Chap Khara Hai
Submit By Vasim Ghanchi
