Saara jag Aaj phir jagmagaya Mere Aaqa ka milaad aaya
Abr rehmat ka har simt chaaya Mere Aaqa ka milaad aaya
Rabbe sallim ala padhrahi thi, ye zameen arsh se kehrahi thi
Aaj mehboob e rab Maine paaya Mere Aaqa ka milaad aaya
Kasr kisra ki aatish bujha kar shamiyo ke mahel ko hila kar
Noore haq jism me dhal ke aaya Mere aaqa ka milaad aaya
Momino Aaj khushiya manao unke milaad ke geet gaao
Arshe haq Noor me hai nahaya Mere aaqa ka milaad aaya
Wo shafi ho khalilo najih ho ya sabi ho kaleemo masih ho
Har Nabi ne yahi gungunaya Mere aaqa ka milaad aaya
Aamena Teri qismat qurbaan tere Ghar se mila hamko quraan
Noor ne bhi ye nagma sunaya Mere aaqa ka milaad aaya
Writer - Sayyed noorani Miya Ashraf Ashrafiul jilani
Submit By Yasir Ashrafi
