Tum Par Main Lakh Jaan Se Fida Ya Rasool
Ber Aayen Mere Dil Ke Bhi Armaan Ya Rasool
Sadqa Darood-E-Pak Ka Niklon Jo Qabr Se
Jaari Meri Zuban Se Ho Quran Ya Rasool
Dunya Se Aur Kuch Nahi Matloob Hai Mujhe
Le Jaaon Apne Saath Main Emaan Ya Rasool
Iss Shauq Main Ke Apke Daman Se Ja Mile
Main Chak Kar Raha Hon Gir-E-Ban Ya Rasool
Kafi Hai Yeh Waseela Shafa'at Ke Waste
Aasi Tu Hon Magar Hon Pashemaan Ya Rasool
Mushkil Kusha Hain Ap Aur Main Apki Gulam
Ab Meri Mushkilen Bhi Assan Hon Ya Rasool
Submit By Idrish
