Tumko Mai Kya Bataun Taiba Nagar Me Kya Hai,
Bakhshish Karam Ata Hai Har Dard Ki Dawa Hai
Mangta Ka Hath Uthne Se Pehle Hi Diya Hai,
Jo Manga Main Unse Us Se Siwa Mila Hai
Manzara Qabri Us Par Wajib Teri Shafat,
Muzda Ye Mustafa Ne Kya Khoob Hi Diya Hai
Taiba Ki Har Gali Me Khushbu Basi Hai Unki,
Har Ek Gul Yahan Ka Dulha Bana Hua Hai
Hai Badal Umad Ke Aye Jalthal Hua Madina,
Rehmat Ka Ek Ishara Aaqa Ne Jab Kiya Hai
Hai Qiblatain Me Wo Ulfat Ka Raaz Wallah,
Qibla Wahi Hai Jisme Mehboob Ki Raza Hai
Qadmain me Jo Baitha Hai Khudhi Se Pucha,
jannat Ye Gar Nahi Hai Batlao Aur Kya Hai
Hai Umre Ki Saadat Jo Musallie Quba Ko,
Aasan Aisa Umra Makke Me Kab Kiya Hai
Sarkar Phir Bulana Jaisa Bhi Hun Nibhana,
Ye Aaj Waqte Ruqsat Rizwan Ki Dua Hai
Submit By Syed Abdul Razzaq Quadri
