Zamane Mein Agar Dekhi To Shane Qadri Dekhi
Nubuwwat Ke Gulistan Mein Wilaayat Ki Kali Dekhi
Haqeeqat Khul Gayi Jab Sar Zameen Bagdad Ki Dekhi
Tajalli Hi Tajalli Roshni Hi Roshni Dekhi
Dayare Ghous Kya Dekha Madine Ki Gali Dekhi
Shahe Baghdad Ne Jis Par Karam Ki Ik Nazar Dali
Bana Har Kaam Uska Ho Gayi Sab Door Badhali
Mere Ghous-ul-Wara Ki Shaan To Kya Shaan He Aali
Sawali Aap Ke Dar Se Nahi Lauta Kabhi Khali
Shahenshaho Se Bhi Badh Kar Sakhawat Aap Ki Dekhi
Hamari Laaj Kiske Hath Hai Baghdad Wale Ke
Musibat Taal Dena Kaam Kis Ka Ghous-e-Aazam Ka
Farishto Rokte Kyu Ho Mujhe Jannat Main Jane Se
Yeh Dekho Hath Main Daaman Hai Kiska Ghous e Aazam Ka
Dayare Ghous Kya Dekha Madine Ki Gali Dekhi
Mukhalif Thi Hawa Dariya Me Ek Aisi Lehar Aayi
Gayi Dariya Mein Kashti Doob Sahil Par Khabar Aayi
Zaeefa Ek Roti Peet Ti Aaqa Ke Ghar Aayi
Dua Mangi Janab-e-Ghous Ne Kashti Ubhar Aayi
Zamane Tune Mere Ghous Ki Dariya Dili Dekhi
Nida Dega Munadi Hashr Me Yoon Qadriyon Ko
Kaha He Qadri Karle Nazara Ghous e Azam Ka
Kabhi Qadmon Se Liptunga Kabhi Daaman Pe Machlunga
Bata Dunga Ke Yoon Jhukta He Banda Gause Azam Ka
Submit By Sakir
